काठमाडौं । विश्वकप छनोटअन्तर्गतको दोस्रो खेलमा यमनसँग नेपाल २ गोलले पराजित भएको छ ।
दशरथ रंगशालामा भएको खेलमा नेपाल यमनसँग २-० ले पराजित भएको हो ।
खेलको ७३ औँ मिनेटमा यमनले अग्रता लिएको थियो । त्यस्तै, अन्तिम समयमा यमनले थप एक गोल थपेको थियो ।
खेलमा यमनलाई जित दिलाउन वैकल्पिक खेलाडीको रुपमा मैदान प्रवेश गरेका ओमार अब्दुल्लाह अल-दाही र मोहम्मद अब्दुल्लाह अल-दाहीले दोस्रो हाफमा गोल गरे ।
ओमारले ७२ औं मिनेटमा गोल गर्दै यमनलाई अग्रता दिलाएका थिए । उनले नेपाली लेफ्ट ब्याक आशिष चौधरी उपचारका क्रममा मैदान बाहिर रहँदा गोल गरेका थिए । अखिल नेपाल फुटबल संघ एन्फाका अनुसार मंगलबारको खेल १३ हजार ७३५ जना दर्शक दशरथ रंगशाला पुगेका थिए ।
वि.सं.२०८० मंसिर ५ मंगलवार २१:१२ मा प्रकाशित