काठमाडौं । एनआइसी एसिया लघुवित्तले वार्षिक साधारण सभा बोलाएको छ । सभा गोर्खा होटल चतरा लाईन, धरान सुनसरीमा पुस ६ गते बिहान ९ बजे बोलाएको हो ।
सभामा गत आर्थिक वर्षको नाफाबाट सेयरधनीहरुलाई करसहित १५ प्रतिशत नगद लाभांश वितरण गर्ने प्रस्ताव पेश हुनेछ । यस्तै, प्रबन्धपत्र तथा नियमावली संशोधन गर्ने अख्तियारी सञ्चालक समितिलाई प्रदान गर्ने प्रस्ताव पनि रहेको छ ।
गत आर्थिक वर्षको वार्षिक प्रतिवेदन, नाफा–नोक्सान हिसाब, नगद प्रवाह विवरणलगायतमा पनि छलफल हुनेछ । आर्थिक वर्ष २०८०/८१ का लागि लेखापरीक्षक नियुक्ति गरी पारिश्रमिक निर्धारण गर्ने एजेन्डा पनि रहेको छ । त्यसका साथै, संस्थापक समूहबाट १ जना सञ्चालकको लागि निर्बाचन गर्ने एजेन्डा रहेको छ ।
सभा प्रयोजनका लागि संस्थाले मंसिर २५ गते बुक क्लोज गर्ने भएको छ । यसर्थ, मंसिर २४ गतेसम्म सेयर खरिद गरी कायम रहने सेयरधनीहरुले मात्र सभामा भाग लिन र प्रस्तावित लाभांश पाउन सक्नेछन् ।
वि.सं.२०८० मंसिर १० आइतवार १०:५४ मा प्रकाशित