काठमाडौं । नेको इन्स्योरेन्स लिमिटेडले चालु आर्थिक वर्षको पहिलो त्रैमाससम्मको अपरिष्कृत वित्तीय विवरण प्रकाशित गरेको छ।
प्रकाशित विवरण अनुसार इन्स्योरेन्सले चालु आर्थिक वर्षको पहिलो त्रैमाससम्म ८ करोड ८० लाख ४३ हजार रुपैयाँ खुद नाफा कमाएको छ । यो गत वर्षको यसै अवधिको तुलनामा १४९. ५१ प्रतिशतले बढी हो ।
गत वर्ष यसले ३ करोड ५२ लाख रुपैयाँ नाफा आर्जन गरेको थियो। समिक्षा अवधिमा कम्पनीको उक्त आम्दानी १० करोड ७० लाखबाट बढेर ११ करोड ६१ लाख रुपैयाँ पुगेको छ । त्यसैगरी कम्पनीको बिमा बापतको दावी भुक्तानी पनि घटेको छ ।
कम्पनीको कुल दावी भुक्तानी २९ करोड २८ लाख रुपैयाँ रहेको छ । गत वर्ष ३३ करोड ९२ लाख रुपैयाँ थियो । हाल यस इन्सुरेन्सको चुक्ता पुँजी २ अर्ब १ करोड २३ लाख ६० हजार रुपैयाँ छ । यसको रिटेन्ड अर्निङमा ३३ करोड १६ लाख रुपैयाँ रहेको छ । यो गत वर्षको भन्दा १५ प्रतिशतले धेरै हो ।
कम्पनीको बिमा कोष ३ अर्ब ५७ करोड २२ लाख रुपैयाँ रहेको छ । यस अवधिमा कम्पनीले ४३ करोड १९ लाख रुपैयाँ बराबरको खुद बिमा शुल्क आर्जन गरेको छ । यो गत वर्षको भन्दा २.९८ प्रतिशतले धेरै हो । गत वर्ष यसले ४१ करोड ९४ लाख रुपैयाँ बराबरको बिमा शुल्क आर्जन गरेको थियो । कम्पनीको प्रतिसेयर आम्दानी १७ रुपैयाँ ५० पैसा छ । प्रतिसेयर नेटवर्थ भने २११ रुपैयाँ ७१ पैसा रहेको छ।
वि.सं.२०८० मंसिर १० आइतवार १३:१९ मा प्रकाशित
