काठमाडौं। खानी खोला हाइड्रोपावर कम्पनी लिमिटेडले एकै साथ २ आर्थिक वर्षको साधारण सभा बोलाएको छ ।
सभा पुस ४ गते धुम्र बाराह पार्टी प्यालेस, धुम्बराहीमा बिहान ११ बजेबाट सुरु हुनेछ । कम्पनीको हाल कायम चुक्तापूँजीको सतप्रतिशत (१ः१ को अनुपात) हकप्रद निश्कासनको एजेण्डासहित दशौं र एघारौं वार्षिक साधारणसभा बोलाएको हो ।
सभाले आर्थिक वर्ष २०७८/७९ र २०७९/८० को सञ्चालक समितिको तर्फबाट अध्यक्षको प्रतिवेदन समेत पास गर्नेछ ।
दुवै आर्थिक वर्षको लेखा परीक्षण प्रतिवेदनसहितको वासलात तथा नाफानोक्सान हिसाब समेत पारित गर्ने एजेण्डा रहेको छ ।
साधारणसभा प्रयोजनका लागि कम्पनीले मंसिर २२ गतेलाई बुक क्लोजको तय गरेको छ । यसर्थ मंसिर २१ गतेसम्म कायम सेयरधनीले मात्र साधारणसभामा भाग लिन सक्नेछन्।
वि.सं.२०८० मंसिर १२ मंगलवार १०:३५ मा प्रकाशित