काठमाडौं । नेपाल राष्ट्र बैंकले बैंक तथा वित्तीय संस्थाको लागि नयाँ निर्देशन जारी गरेको छ ।
राष्ट्र बैंकले कर्जा सुविधा उपलब्ध गराउनको लागि जमानत दिने व्यक्ति, फर्म, कम्पनी वा संगठित संस्था कालोसूचीमा पर्ने सम्बन्धी व्यवस्थामा संशोधन गरेको छ ।
अब बैंकहरुले जमानतदातालाई कालोसूचीमा समावेश गर्नुपूर्व ऋणीले सुरक्षणस्वरुप राखेको धितो लिलाम गरी कर्जा असुली गर्नुपर्ने व्यवस्था राष्ट्र बैंकले गरेको छ ।
यस्तो सुरक्षणबाट भएको असुली पर्याप्त नभई बैंकको लेना रकम बाँकी रहेमा सोको भुक्तानीका लागि जमानतदातालाई ९० दिनको समय भने दिनु पर्नेछ । यसअघि यो अवधि ३५ दिन थियो ।
हेर्नुहोस् पूर्णपाठ :
वि.सं.२०८० मंसिर १३ बुधवार १४:४४ मा प्रकाशित
