काठमाडौं । आज मंसिर १४ गते बिहीबार सुनको भाउ स्थिर रहेको छ ।
नेपाल सुन चाँदी ब्यावसायी महासंघका अनुसार आज छापावाल सुन प्रतितोला १ लाख १९ हजार ३०० रुपैयाँमा कारोबार भएको छ भने तेजावी सुन प्रतितोला १ लाख १८ हजार ७५० रुपैयाँमा कारोबार भइरहेको छ ।
अघिल्लो कारोबार दिन बुधबार छापावाल सुन प्रतितोला १ लाख १९ हजार ३०० रुपैयाँमा र तेजावी सुन प्रतितोला १ लाख १८ हजार ७५० रुपैयाँमा कारोबार भएको थियो । यो हालसम्मकै उच्च मूल्य हो ।
त्यसैगरी, आज चाँदी भाउ पनि स्थिर रहँदै १ हजार ५२० रुपैयाँमा कारोबार भइरहेको छ । बुधबार पनि चाँदी १ हजार ५२० रुपैयाँमा कारोबार भएको थियो ।
वि.सं.२०८० मंसिर १४ बिहीवार १०:४१ मा प्रकाशित
