काठमाडौं । साताको अन्तिम कारोबार दिन अर्थात बिहीबार शेयर बजारमा गिरावट आएको छ । उक्त दिन बजार १८.०६ अंकले घटेर १८५८ को विन्दुमा कायम हुन पुगेको हो ।
आज नेप्सेमा कारोबार भएको २८९ कम्पनीको ४५ लाख ९५ हजार ५५३ कित्ता सेयर किनबेच हुँदा १ अर्ब ३२ करोड ३५ लाख १९ हजारको कारोबार भएको छ । बजारमा गिरावट आएसँगै १२ वटा उपसूचकमा राताम्मै भएको छ ।
सेयर बजारमा गिरावट आउँदा विजय लघुवित्त, माउन्टेन इनर्जी र यूनाइटेड इदी मार्दी हाइड्रोपावरको सेयरमा नकरात्मक सर्किट लाएको छ । कम्पनीहरुको सेयर मूल्य १० १० प्रतिशतले घटेको छ । त्यसैगरी, सिटिजन म्युचुअल फण्डको ८.८८ प्रतिशत, खानीखोला हाइड्रोपावरको ५.६७ प्रतिशतले घटेको छ ।
वि.सं.२०८० मंसिर १४ बिहीवार १५:१८ मा प्रकाशित