काठमाडौँ । मुक्तिनाथ कृषि कम्पनी लिमिटेडको आईपीओ बाँडफाड आज भएको छ । बिक्री प्रबन्धक एनआईएमबि एस क्यापिटलका अनु्सार कम्पनीको आईपीओ आज मंसिर १९ गते मंगलबार बिहान बाँडफाँड भएको हो ।
उक्त आइपीओमा अन्तिम दिनसम्म १३ लाख २४ हजार ३६७ जनाले १ करोड ४३ लाख ४२ हजार ६२० कित्ताका लागि आवेदन दिएका हुन् । जुन माग भन्दा १२.४९ गुणा बढी आवेदन हो ।
माग भन्दा बढी आवेदन परेको हुँदा कम्पनीको आइपीओ गोलाप्रथाबाट बाँडफाँड भएको छ । जसअनुसार १ लाख १४ हजार ८०० आवेदकले १० कित्ताका दरले सेयर पाएकाछन्। कुल आवेदनमध्ये १२ लाख ७४ हजार ५६७ आवेदन स्वीकृत भएको छ । बाँकी ६१ हजार ३ सय ३२ जनाको आवेदन भने रद्द भएको छ।
कम्पनीले मंसिर ८ गतेदेखि मंसिर १२ गतेसम्म सर्वसाधारणलाई ११ लाख ४८ हजार कित्ता सेयर निष्काशन गरेको हो । यसमा एनआइएमबि एस क्यापिटल बिक्री प्रबन्धक रहेको छ ।
आईपीओको अन्तिम नतिजा केहीबेरमा सार्वजनिक हुनेछ।
आईपीको नतिजा हेर्नका लागि
१. बिक्री प्रबन्धकको वेबसाइट : https://www.nimbacecapital.com/
२. मेरो शेयरको वेबसाइट : http://meroshare.cdsc.com.np/#/login
३. सिडिएसको वेबसाइट : http://iporesult.cdsc.com.np/
वि.सं.२०८० मंसिर १९ मंगलवार १०:३१ मा प्रकाशित