काठमाडौं । साताको तेस्रो कारोबार दिन सेयर बजार दोहोरो अंकले बढेको छ । उक्त दिन बजार ३६.८६ अंकले बढेर १९८५ को विन्दुमा कायम हुन पुगेको छ ।
आज सेयर बजारमा बढोत्तरी आउँदा सबैभन्दा बढी शिभम् सिमेन्टको कारोबार भएको छ । आज कम्पनीको १८ करोड ७ लाख ११ हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको सोनापुर मिनरल्सको १५ करोड १० लाख २९ हजार हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन रिलायबल नेपाल लाइफ इन्स्योरेन्सको १४ करोड ३५ लाख ७८ हजार रुपैयाँ, माउन्टेन इनर्जी नेपालको ११ करोड ९७ लाख ६३ हजार रुपैयाँ र सोल्टी होटलको ११ करोड ८१ लाख ७६ हजार रुपैयाँको कारोबार भएको हो ।
वि.सं.२०८० मंसिर २६ मंगलवार १५:१३ मा प्रकाशित