काठमाडौं । प्रभु महालक्ष्मी लाइफ इन्स्योरेन्सको सेयर नेपाल स्टक एक्स्चेञ्ज(नेप्से) मा सूचिकृत भएको छ ।
साविकको प्रभु लाइफ इन्स्यारेन्स र सूचिकृत नभएको महालक्ष्मी लाइफ इन्स्योरेन्स एक आपसमा गाभ्ने रगाभिने गर्दा १ः१ को अनुपातमा कायम हुन आएको प्रति सेयर अंकित तथा चुक्ता मूल्य १०० रुपैंयाका दरको ४ करोड २९ लाख ६० हजार कित्ता शेयर सूचिकृत भएको हो ।
धितोपत्र सूचिकरण विनियमावली २०७५ बमोजिम नेप्सेमा कारोबार हुने गरी संलग्न सम्झौता, शर्तहरु पालना गर्नेगरी पुस गते को निर्णायनुसार कम्पनीको रोक्का रहेको सेयर कारोबार फुकुवा गरिएको नेप्सेले जानकारी दिएको छ ।
साथै, प्रभु महालक्ष्मी लाइफ इन्स्योरेन्सको स्टक सिम्बोल ‘पिएमएलआई’ रहने जानकारी दिएको छ । शेयर रोक्का हुनअघि प्रभु लाइफको शेयर प्रतिकित्ता ५८७ रुपैयाँ अन्तिम कारोबार भएको थियो। अब यही मूल्यबाट प्रभु महालक्ष्मी लाइफको शेयरमूल्यमा कारोबार खुल्नेछ।
वि.सं.२०८० पुस २ सोमवार १५:३१ मा प्रकाशित
