काठमाडौं । बरुण हाइड्रोपावर कम्पनीले पुस २५ गते वार्षिक साधारण सभा बोलाएको छ । सभा कुण्डलिनी दरबार ब्यांक्वेट चण्डोल काठमाडौंमा बिहान ११ बजे बोलाएको हो ।
सभामा कम्पनी गाभ्ने, गाभिने वा प्राप्ती गर्ने प्रस्ताव रहेको छ । त्यसैगरी, आर्थिक वर्ष २०७९/८० को नाफा नोक्सान सम्बन्धी हिसाबका सम्बन्धमा छलफल हुनेछ ।
आर्थिक वर्ष २०८०/८१ का लागि लेखापरीक्षक नियुक्ति र पारिश्रमिक निर्धारण गर्ने एजेन्डा पनि रहेको छ । सभा प्रयोजनका लागि कम्पनीले पुस १३ गते बुक क्लोज गर्ने भएको छ । यसर्थ, पुस १२ गतेसम्म कायम सेयरधनीले मात्र साधारण भाग लिन सक्नेछन् ।
वि.सं.२०८० पुस ३ मंगलवार १०:५१ मा प्रकाशित
