काठमाडौं । लिवर्टी इनर्जी कम्पनी लिमिटेडले लाभांश वितरण नगर्ने भएको छ । कम्पनीले लाभांश प्रस्ताव नगरी साधारण सभा बोलाएको हो।
सभा पुस २५ गते अमृतभोग क्याटरर्स, कालिकास्थान, काठमाडौंमा बिहान ११ बजेदेखि सुरु हुनेछ । सभा प्रयोजनका लागि कम्पनीले पुस १३ गते बुक क्लोज गर्ने भएको छ । यसर्थ, पुस १२ गतेसम्म कायम सेयरधनीले मात्र सभामा भाग लिन सक्नेछन् ।
सभामा आर्थिक वर्ष २०७९–८० को नाफा नोक्सानसम्बन्धी हिसाबका सम्बन्धमा छलफल हुनेछ । आर्थिक वर्ष २०८०–८१ का लागि लेखापरीक्षक नियुक्ति र पारिश्रमिक निर्धारण गर्ने एजेन्डा पनि रहेको छ । कम्पनीले ५० प्रतिशत अर्थात् १:०.५ अनुपातमा ७५ करोड रुपैयाँ बराबरको हकप्रद जारी गर्न बोर्डसँग अनुमति मागेको छ ।
वि.सं.२०८० पुस ४ बुधवार १४:३३ मा प्रकाशित