काठमाडौं। प्रभु हेलिकप्टर लिमिटेडले आईपीओ निष्कासन गर्ने भएको छ ।
कम्पनीले आईपीओ निष्कासनको लागि धितोपत्र निष्कासन तथा बिक्री प्रबन्धकमा मुक्तिनाथ क्यापिटललाई नियुक्त गरेको छ । बुधबार एक कार्यक्रममा बीच कम्पनीको तर्फबाट प्रबन्ध सञ्चालक सुभाष अमात्य र मुक्तिनाथ क्यापिटलको तर्फबाट प्रमुख कार्यकारी अधिकृत कबिन्द्र ध्वज जोशीले हस्ताक्षर गरेका छन् ।
कम्पनीले ६ करोड ६० लाख सेयर पूँजी बराबरको १०० रुपैयाँ अंकितमूल्य दरको ६ लाख ६० हजार कित्ता साधारण सेयर सर्वसाधारणहरुलाई बिक्री गर्ने भएको हो। नेपाल धितोपत्र बोर्डले अनुमति दिएमा प्रभु हेलिकप्टर नेपालको पूँजी बजारमा आईपीओ निष्कासन गर्ने पहिलो हेलिकप्टर कम्पनी हुने छ ।
वि.सं.२०८० पुस ४ बुधवार २०:३८ मा प्रकाशित