काठमाडौं । आज पुस ५ गते बिहीबार, नेपाल इन्फ्रास्ट्रक्चर बैंक (निफ्रा) र चिलिमे जलविद्युत कम्पनीको लाभांश सुरक्षित गर्ने अन्तिम दिन रहेको छ । चिलिमे जलविद्युत कम्पनीले साधारण सभा प्रयोजनको लागि पुस ८ गते आइतबार बुक क्लोज गर्ने भएको छ । शुक्रबार र शनिबार सेयर कारोबार नहुने भएकाले कम्पनीको लाभांश हात पार्न आजै सेयरधनी बन्नुपर्ने हुन्छ ।
कम्पनीले गत आर्थिक वर्षको नाफाबाट लगानीकर्तालाई १० प्रतिशत बोनस सेयर र ५ प्रतिशत नगद लाभांश (कर सहित) गरी जम्मा १५ प्रतिशत लाभांश वितरण गर्दैछ । सोही लाभांश पारित गर्न कम्पनीले पुस २० गते वार्षिक साधारण सभा बोलाएको छ ।
त्यसैगरी, निफ्राले साधारण सभा तथा लाभांश वितरण प्रयोजनको लागि भोली पुस ६ गते शुक्रबार बुक क्लोज गर्दैछ । यसर्थ कम्पनीको लाभांश हात पार्न आजै सेयरधनी बनिसक्ने पर्नेछ । निफ्राले गत वर्षको नाफाबाट लगानीकर्तालाई ४.२१०५ प्रतिशत नगद लाभांश(कर सहित) वितरण गर्दै छ ।
उक्त लाभांश पारित गर्न कम्पनीले पुस १७ गते वार्षिक साधारण सभा बोलाएको छ । सभा अनुपम फुडल्याण्ड एन्ड ब्यांक्वेवट, बत्तिसपुतली, काठमाडौंमा बिहान ९ बजेबाट सुरु हुनेछ ।
वि.सं.२०८० पुस ५ बिहीवार ०७:१५ मा प्रकाशित
