काठमाडौं । हिमालयन बैंक लिमिटेडले एफपीओ जारी गर्ने भएको छ । सोही मुख्य प्रस्तावसहित बैंकले पुस २९ गते, आइतबार नेपाल प्रज्ञा प्रतिष्ठान, कमलादीमा ३१ औँ वार्षिक साधारण सभा बोलाएको हो। सभा बिहान ९ बजे शुरु हुनेछ।
सभाले सर्वसाधारण शेयरधनीको शेयर अनुपात कायम गर्न प्रिमियममा एफपीओ निष्काशन गर्ने प्रस्ताव छलफलमा लैजाने भएको छ । साथै, एफपीओको मूल्य निर्धारण गर्ने, प्रबन्धपत्र तथा नियमावली संशोधनका लागि सञ्चालक समितिलाई अख्तियारी दिने, लेखापरीक्षक नियुक्त गर्ने, संस्थापक शेयरधनीहरुको तर्फबाट ५ जना र सर्वसाधारणको तर्फबाट १ जना सञ्चालकको निर्वाचन गर्ने लगायतका प्रस्तावहरु पनि रहेका छन् ।
साधारण सभा प्रयोजनार्थ बैंकले पुस २० गते बुकक्लोज गर्ने भएको छ । यसर्थ पुस १९ गतेसम्म कायम शेयरधनीहरुले मात्र बैंकको साधारण सभामा भाग लिन सक्नेछन्।
वि.सं.२०८० पुस ८ आइतवार ०७:०० मा प्रकाशित