काठमाडौं । एनएमबि क्यापिटलले लाभांश वितरण गर्ने घोषणा गरेको छ । कम्पनी सञ्चालक समितिको पुस ३ गते बसेको बैठकले गत वर्षको नाफाबाट हाल कायम चुक्ता पुँजीको १७ प्रतिशत लाभांश (करसहित)वितरण गर्ने घोषणा गरेको हो ।
कम्पनीले उक्त लाभांश पारित गर्न पुस २९ गते प्रथम वार्षिक साधारणसभा दिनको ४ बजे काठमाडौंमा बोलाएको हो । कम्पनीको सभाले रजिष्टर्ड कार्यालय परिवर्तन गर्ने र प्रबन्धपत्र तथा नियमावली संशोधन गर्नेछ ।
आर्थिक वर्ष २०७९/८०को सञ्चालक समितिको वार्षिक प्रतिवेदन र लेखापरीक्षको प्रतिवेदन सभाले पारित गर्नेछ । यस्तै, आर्थिक वर्ष २०८०/८१ को लागि लेखापरीक्षकको नियुक्ति र पारिश्रमीक निर्धारण गर्नेछ ।
वि.सं.२०८० पुस ८ आइतवार ११:१० मा प्रकाशित