काठमाडौं । मुक्तिनाथ विकास बैंकले वार्षिक साधारण सभा बोलाएको छ । सभा पुस २८ गते दिनको १ बजे सिटी स्क्वाएर, न्यूरोड, पोखरा कास्कीमा बोलाएको हो । सभामा बैंकले ९.७५ प्रतिशत बोनस सेयर र कर प्रयोजनका लागि ०.५१ प्रतिशत नगद लाभांश वितरण गर्ने प्रस्ताव पेश हुनेछ ।
यस्तै, सभामार्फत सञ्चालक समितिमा प्रतिनिधित्व गर्न संस्थापक समूहबाट ३ जना र सर्वसाधारण समूहबाट २ जना सञ्चालकहरुको निर्वाचन गर्ने प्रस्ताव पनि रहेको छ । साथै, काठमाडौं महानगरपालिकास्थित वडा नम्बर २८, कमलादीमा रहेको केन्द्रीय कार्यालयलाई वडा नम्बर ३ लाजिम्पाटमा सार्न प्रबन्धपत्र संशोधन गर्ने र अन्य कुनै बैंक तथा वित्तीय संस्थासँग मर्जर वा एक्विजिसन गनुृपरेमा सम्पूर्ण अख्तियारी सञ्चालक समितिलाई दिने पनि विशेष प्रस्तावको रुपमा रहेका छन् ।
साधारण सभा र लाभांश वितरण प्रयोजनका लागि बैंकले पुस १९ गते बुक क्लोज गर्ने भएको छ । यसर्थ, पुस १८ गतेसम्म कायम रहने सेयरधनी मात्र सभामा भाग लिन र प्रस्तावित लाभांश पाउन सक्नेछन् ।
वि.सं.२०८० पुस ८ आइतवार १२:५३ मा प्रकाशित
