काठमाडौं । हालसम्म ७ विकास बैंकले गत आर्थिक वर्षको नाफाबाट लाभांश घोषणा गरेका छन् ।
यसैगरी, दुई वटा विकास बैंकले भने गत आवको मुनाफाबाट लाभांश नदिने बताएका छन् । ३ बैंकको बुक क्लोज र साधारण सभा सम्पन्न भइसकेको छ ।
४ बैंकको भने बुक क्लोज र साधारण सभा हुन बाँकी छ ।लाभांश घोषणा गरेका विकास बैंकमध्ये पनि तीन वटा विकास बैंक सांग्रिला, मितेरी र साइन रेसुङ्गा डेभलपमेन्ट बैंकको बुक क्लोज भइसकेको छ ।
बाँकी चार वटा विकास बैंक मुक्तिनाथ, गरिमा, महालक्ष्मी र लुम्बिनी विकास बैंकको भने बुक क्लोज भइसकेको छैन ।
यी मध्ये सबैभन्दा धेरै लाभांश दिनेमा शाइन रेसुङ्गा डेभलपमेन्ट बैंक रहेको छ । साइन रेसुङ्गा डेभलपमेन्ट बैंकले गत आवको मुनाफाबाट १०.५ प्रतिशत बोनस सेयर र कर प्रयोजनका लागि ०.५५ प्रतिशत नगद लाभांश गरी जम्मा ११ प्रतिशत लाभांश घोषणा गरेको छ ।
यसैगरी, सांग्रिला डेभलपमेन्ट बैंकले ५ प्रतिशत बोनस सेयर कर प्रयोजनका लागि ०.२६३ प्रतिशत नगद लाभांश गरी जम्मा ५.२६३ प्रतिशत लाभांश घोषणा गरेको छ।
मितेरी डेभलपमेन्ट विकास बैंकले ९.५ प्रतिशत बोनस सेयर र कर प्रयोजनका लागि ०.५ प्रतिशत नगद लाभांश गरी जम्मा १० प्रतिशत लाभांश घोषणा गरेको छ ।
त्यस्तै, लुम्बिनी विकास बैंकले ४ प्रतिशत बोनस सेयर र कर प्रयोजनका लागि ४.५ प्रतिशत नगद लाभांश गरी जम्मा ८.५ प्रतिशत लाभांश घोषणा गरेको छ ।
गरिमा विकास बैंकले ९.५ प्रतिशत बोनस सेयर र कर प्रयोजनका लागि ०.५ प्रतिशत नगद लाभांश गरी जम्मा १० प्रतिशत लाभांश घोषणा गरेको छ । महालक्ष्मी विकास बैंकले भने ६.४ पतिशत नगद लाभांश मात्र दिने घोषणा गरेको छ ।
यसैगरी,मुक्तिनाथ विकास बैंकले ९.७५ प्रतिशत बोनस सेयर र कर प्रयोजनका लागि०.५१३ प्रतिशत नगद लाभांश दिने घोषणा गरेको छ।
ज्योति विकास बैंक र सप्तकोशी विकास बैंकले गत वर्षको नाफाबाट लाभांश नदिने निर्णय गर्दै साधारणसभा बोलाएका छन् ।
वि.सं.२०८० पुस १० मंगलवार ११:१८ मा प्रकाशित
