काठमाडौं । नागरिक लगानी कोषको कार्यकारी निर्देशकमा आवेदन दिएकामध्ये पाँच जना अन्तर्वार्ताका लागि छनोट भएका छन् । खुला प्रतिस्पर्धात्मक प्रतियोगिताबाट पदपूर्ति गर्नका लागि १० जना आवेदकबाट ५ जनाको नाम सर्ट लिष्टिङ गरेको कोषले जनाएको छ ।
यसरी, सर्ट लिष्टिङमा पर्नेमा पर्वतकुमार कार्की, राजेन्द्र पण्डित, लेखनाथ शर्मा पंगेनी, विश्वमोहन अधिकारी र डा. शिवहरि श्रेष्ठ रहेका छन् । उनीहरुको पुस १७ गते अन्तरवार्ता लिइने जानकारी दिएको छ । यसअघि नागरिक लगानी कोषको कार्यकारी निर्देशक रमण नेपाल रहेका थिए ।
वि.सं.२०८० पुस ११ बुधवार १३:३९ मा प्रकाशित