काठमाडौं । हिमालयन रि-इन्स्योरेन्सको आईपीओले पहिलो कारोबारको लागि १०३.७ रुपैयाँदेखि अधिकतम ३०९.२१ रुपैयाँसम्म ओपनिङ रेञ्ज पाउने देखिएको छ ।
नेप्सेले कम्पनीको पहिलो कारोबारको लागि नेटवर्थको तीन गुणासम्म ओपनिङ रेञ्ज तोक्ने भएकाले उक्त मूल्य रेञ्ज पाउने सम्भावना रहेको हो ।
कम्पनीको आर्थिक वर्ष २०७८/०७९ को वास्तविक प्रतिसेयर नेटवर्थ १०३.७ रुपैयाँ छ ।
कम्पनीले २ करोड ४९ लाख कित्ता सेयर १०० रुपैयाँ अंकित मूल्यमा १०६ रुपैयाँ प्रिमियम थप गरी प्रतिकित्ता २०६ रुपैयाँका दरमा सेयर खुला गरेको थियो ।
बिक्री प्रबन्धक एनएमबि क्यापिटलका अनुसार क्यापिटलका अनुसार कम्पनीको आईपीओमा १५ लाख ७३ हजार २१९ जनाको आवेदन परेको थियो । जसमध्ये १५ लाख ६४ हजार ५६४ जनाको आवेदनमात्रै योग्य भएको थियो । १० कित्तादेखि ३० कित्ता सम्मआवेदन दिनेले मागअनुसारकै सेयर प्राप्त गरेका छन् ।
वि.सं.२०८० पुस १२ बिहीवार १४:४२ मा प्रकाशित
