काठमाडौं । बलेफी हाइड्रोपावर लिमिटेडले वार्षिक साधारण सभा बोलएको छ । सभा आम्रपालि ब्यांकेट, नक्साल भाटभटेनी नजिकै, काठमाडौंमा बिहान ११ बजेदेखि बोलाएको हो ।
हाइड्रोपावरले लाभांश प्रस्ताव नगरी साधारण सभा बोलाएको हो । कम्पनीले सभामा आर्थिक वर्ष २०७९/८० को नाफा नोक्सान सम्बन्धी हिसाबका सम्बन्धमा छलफल हुनेछ ।
साथै, आर्थिक वर्ष २०८०/८१ का लागि लेखापरीक्षक नियुक्ति र पारिश्रमिक निर्धारण गर्ने एजेन्डा पनि रहेको छ । सभाले सञ्चालक समितिको पूर्नगठन गर्नेछ । त्यस्तै, हकप्रद सेयर जारी गर्ने सम्बन्धमा छलफल हुनेछ ।
सभा प्रयोजनका लागि कम्पनीले पुस २७ गते बुक क्लोज गर्ने भएको छ । यसर्थ, पुस २६ गतेसम्म कायम सेयरधनीले मात्र साधारण सभामा भाग लिन सक्नेछन् ।
वि.सं.२०८० पुस १६ सोमवार १२:३९ मा प्रकाशित