काठमाडौं । आज पुस १७ गते मंगलबार सेयर बजारमा गिरावट आएको छ । उक्त दिन बजार ३०.०५ अंकले घटेर २०३० को विन्दुमा कायम हुन पुगेको छ ।
उक्त दिन सबैभन्दा बढी शिभम् सिमेन्टको कारोबार भएको छ । आज कम्पनीको १६ करोड ११ लाख ७ हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको हाथवे इन्भेष्टमेन्ट कम्पनीको १५ करोड ३८ लाख ७५ हजार हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन सिटिजन लाइफ इन्स्योरेन्सको १४ करोड ७३ लाख ८० हजार रुपैयाँ, सोनापुर मिनरल्सको १२ करोड ८९ लाख ३७ हजार रुपैयाँ र एनआरएन इन्फ्रास्ट्रक्चर बैंकको १२ करोड ५३ लाख ४८ हजार रुपैयाँको कारोबार भएको हो ।
वि.सं.२०८० पुस १७ मंगलवार १५:१० मा प्रकाशित