काठमाडौं । नेपाल बिमा प्राधिकरणले ३ वटा बिमा कम्पनीलाई कारबाही गरेको छ । प्राधिकरणले आइजीआई प्रुडेन्सियल, युनाइटेड अजोड र राष्ट्रिय बिमा कम्पनीलाई कारबाही गरेको हो ।
बिमा प्राधिकरणको पुस ६ गते बसेको सञ्चालक समितिको बैठक यी ३ निर्जीवन बिमा कम्पनीलाई कारबाही गर्ने निर्णय गरेको हो । यी कम्पनीलाई २–२ लाख रुपैयाँ नगद सहित कारबाही गरेको बिमा प्राधिकरणको प्रवक्ता तथा कार्यकारी निर्देशक राजुरमण पौडेलले बताए ।‘
प्राधिकरणले स्थलगत निरिक्षणका क्रममा उक्त कम्पनीहरुले उधारो बीमा, रेट कटिङ गरेको, सम्पत्ति शुद्धीकरणमा ध्यान नदिएको र दाबी भुक्तानीमा बीमितलाई दुःख दिएको भन्दै २ लाख रुपैयाँका दरले जरिवाना कारबाही गरेको उनले बताए ।
वि.सं.२०८० पुस १७ मंगलवार १६:३१ मा प्रकाशित
