काठमाडौं । समस्याग्रस्त सहकारी व्यवस्थापन समितिको कार्यालयले शिवशिखर बहुउद्देशीय सहकारीबाट पाउनु पर्ने रकमको लागि आवेदन दिन आग्रह गरेको छ । कार्यालयले आज सूचना प्रकाशन गर्दै ३५ दिन भित्र मागदाबीको लागि आवेदन दिन आग्रह गरेको हो ।
भूमि व्यवस्था, सहकारी तथा गरिबी निवारण मन्त्रालय अन्तर्गतको समस्याग्रस्त सहकारी व्यवस्थापन समितिको कार्यालयले ३५ दिनभित्र मागदाबी आवेदन मागेको हो।
सहकारी ऐन, २०७४ को दफा ११२ बमोजिम समस्याग्रस्त संस्था वा संघका सदस्य बचतकर्ता तथा साहुहरुले आफूले पाउनुपर्ने रकमको मागदाबी समितिको वेबसाइट धधध।अययऊभ।नयख।लउ मा स(प्रमाण पेस गर्न भनिएको छ ।
सोही ऐनको दफा १०५ बमोजिम उक्त संस्थाको सम्पत्ति व्यवस्थापन तथा दायित्व भुक्तानीको लागि समिति समक्ष लेखी आएकोले सहकारी ऐन, २०७४ को दफा ११२ बमोजिम समस्याग्रस्त संस्था वा संघका सदस्य बचतकर्ता तथा साहुहरुलाई आफुले पाउनु पर्ने रकमको मागदाबी गर्न सूचना प्रकाशन गरिएको समितिले जनाएको छ।
वि.सं.२०८० पुस १८ बुधवार १३:५५ मा प्रकाशित
