काठमाडौं । सिंगटी हाइड्रो इनर्जीको शतप्रतिशत हकप्रद सेयर सुरक्षित गर्ने आज पुस १९ गते बिहीबार अन्तिम दिन रहेको छ ।
कम्पनीले हकप्रद सेयरको लागि आइतबार पुस २२ गते बुक क्लोज गर्दैछ । पुस २० र २१ गते शुक्रबार र शनिबार परेकाले यी दुई दिन सेयर कारोबार हुँदैन । यसर्थ, आजसम्म कायम सेयरधनीले कम्पनीले जारी गर्न लागेको १०० प्रतिशत हकप्रद सेयरमा आवेदन दिन सक्नेछन् । सिंगटीले १ः१ अनुपातमा १ करोड ४५ लाख कित्ता हकप्रद सेयर बिक्री गर्न लागेको हो ।
कम्पनीले प्रतिकित्ता १०० रुपैयाँको दरमा हकप्रद बिक्री गर्नछ । हाल कम्पनीको चुक्ता पुँजी १ अर्ब ४५ करोड रुपैयाँ रहेको छ । हकप्रद सेयर जारी भएपछि यस कम्पनीको चुक्ता पुँजी २ अर्ब ९० करोड रुपैयाँ पुग्नेछ ।
वि.सं.२०८० पुस १९ बिहीवार १०:२५ मा प्रकाशित