काठमाडौं । सानिमा रिलायन्स लाइफ इन्स्योरेन्सले साधारण सभा बोलाएको छ । सभा आम्रपाली ब्यांकेट, भाटभटेनी, नक्साल काठमाडौंमा माघ ११ गते बिहान ११ बजे सुरु हुनेछ ।
सभामा २०७८/७९ को नाफा नोक्सान हिसाबकिताब सम्बन्धमा छलफल हुनेछ । त्यस्तै, सभाले सञ्चालक समितिमा संस्थापक समूहको तर्फबाट प्रतिनिधित्व गर्ने ४ जना र सर्वसाधारण समूहको तर्फबाट प्रतिनिधित्व गर्ने २ जना सञ्चालक निर्वाचन गर्नेछ । कम्पनीले लाभांश सम्बन्धी कुनै गरेको छैन ।
सभा प्रयोजनका लागि कम्पनीले पुस २६ गते बुक क्लोज गर्ने भएको छ । यसर्थ, पुस २५ गतेसम्म कायम रहने सेयरधनीले सभामा सहभागिता जनाउन सक्नेछन् ।
वि.सं.२०८० पुस १९ बिहीवार ११:०१ मा प्रकाशित