काठमाडौं । मिर्मिरे लघुवित्त वित्तीय संस्था लिमिटेडले चालु आर्थिक वर्षको दोस्रो त्रैमासको अपरिष्कृत वित्तीय विवरण प्रकाशित गरेको छ। लघुवित्तले आज पुस मसान्तसम्मको वित्तीय विवरण प्रकाशित गरेको हो।
प्रकाशित विवरण अनुसार चालु आर्थिक वर्षको दोस्रो त्रैमाससम्म आइपुग्दा लघुवित्तको खुद नाफा ४१.४८ प्रतिशतले घटेर ३ करोड ४० लाख ५ हजार रुपैयाँ कायम भएको छ । अघिल्लो वर्षको यसैअवधिमा यसले ५ करोड ८१ लाख ८ हजार रुपैयाँ नाफा कमाएको थियो ।
यस अवधिमा खुद ब्याज आम्दानी २५.८४ प्रतिशतले घटेर १७ करोड ८५ लाख ५५ हजार रुपैयाँमा सीमित भएको छ । अघिल्लो वर्षको यसैअवधिमा यसले २४ करोड ७ लाख ७२ हजार रुपैयाँ खुद ब्याज आम्दानी गरेको थियो । त्यसैगरी, सञ्चालन नाफा पनि ४१.४८ प्रतिशतले घटेर ४ करोड ८५ लाख ७९ हजार रुपैयाँमा सीमित भएको छ ।
समिक्षा अवधिमा कम्पनीको चुक्ता पुँजी ६६ करोड ५७ लाख ६४ हजार रुपैयाँ छ । प्रतिसेयर आम्दानी १० रुपैयाँ २२ पैसा र प्रतिसेयर नेटवर्थ १६४ रुपैयााँ ४१ पैसा रहेको छ ।
वि.सं.२०८० माघ ३ बुधवार ०९:५८ मा प्रकाशित