काठमाडौं । आज माघ ३ गते बुधबार सेयर बजारमा गिरावट आएको छ । उक्त दिन बजार १२.१० अंकले घटेर २१६३ को विन्दुमा कायम हुन पुगेको छ ।
आज नेप्सेमा कारोबार भएको ३०० कम्पनीको ३ करोड ३५ लाख २५ हजार ७०२ कित्ता सेयर किनबेच हुँदा ९ अर्ब ७६ करोड ८९ लाख ६९ हजारको कारोबार भएको छ । यो कारोबार रकम भने २९ महिना यताकै सबैभन्दा धेरै हो । यसअघि २०७८ भदौ २० गते ११ अर्ब १४ करोड रुपैयाँको कारोबार भएको थियो ।
यस्तै, सोही वर्ष भदौ २१ गते ९ अर्ब ७४ करोड रुपैयाँको सेयर कारोबार भएको थियो । यसआधारमा बुधबार २९ महिनायताकै धेरै कारोबार रकमको रेकर्ड बनेको छ । बजारमा गिरावट आउँदा ४ वटा उपसूचकमा मात्र हरियाली छाएको छ ।
वि.सं.२०८० माघ ३ बुधवार १५:१७ मा प्रकाशित