काठमाडौं । अख्तियार दुरुपयोग अनुसन्धान आयोगले सुरक्षण मुद्रण केन्द्रका पूर्वकार्यकारी निर्देशक विकल पौडेल र नेपाल टेलिकमका पूर्वएमडी सुनिल पौडेललाई पक्राउ गरेको छ ।
अख्तियार स्रोतका अनुसार गैरकानूनी सम्पत्तिआर्जनको अनुसन्धानको सिलसिलामा बयानका लागि पटक-पटक बोलाउँदा उपस्थित नभएपछि उनीहरुलाई पक्राउ गरिएको हो ।
उनीहरु दुवैजनामाथि अख्तियारले यसअघि भ्रष्टाचार मुद्धा पनि दायर गरेको थियो । त्यसलगत्तै उनीहरुविरुद्ध गैरकानूनी सम्पत्ति आर्जनको उजुरी समेत परेको थियो । पक्राउ परेका दुवैलाई बिहीबार विशेष अदालतमा उपस्थित गराउने तयारी भएको छ ।
वि.सं.२०८० माघ १० बुधवार १६:४० मा प्रकाशित
