काठमाडौं । सगरमाथा जलविद्युत कम्पनीले चालु आर्थिक वर्षको दोस्रो त्रैमाससम्मको अपरिष्कृत वित्तीय विवरण प्रकाशित गरेको छ। कम्पनीले सार्वजनिक गरेको विवरण अनुसार कम्पनीले ६ करोड ५९ लाख रुपैयाँ खुद नाफा कमाउन सफल भएको हो । जुन गत वर्ष सोही अवधिको तुलनामा २१.९७ प्रतिशतले बढी हो । अघिल्लो आवसम्म कम्पनीले खुद मुनाफा ५ करोड ४० लाख रुपैयाँ कमाएको थियो ।
यस्तै समीक्षा अवधिसम्म कम्पनीले विद्युत बिक्रीबाट १६ करोड ३३ लाख रुपैयाँ कमाएको छ । जुन अघिल्लो आवको १५ करोड ९७ लाख को तुलननामा २.२६ प्रतिशतले बढी हो ।
समीक्षा अवधिसम्म कम्पनीले ४.१५ प्रतिशतले प्रशासनिक खर्च घटाउदै ६१ लाख १० हजार रुपैयाँमा सीमित पारेको छ । कम्पनीको वित्त खर्च भने ८.६८ प्रतिशतले बढ्दै ५ करोड ७६ लाख रुपैयाँ पुगेको छ ।
यसैगरी कम्पनीको चुक्तापूँजी ९६.०८ प्रतिशतले बढेर १ अर्ब १२ करोड पुगेको छ । समीक्षा अवधिसम्म कम्पनीको प्रतिसेयर आम्दानी भने ३७.७९ प्रतिशतले घट्दै ११.७७ रुपैयाँमा सीमित भएको छ ।
वि.सं.२०८० माघ १९ शुक्रवार १०:१२ मा प्रकाशित
