काठमाडौं । माई खोला हाइड्रोपावर लिमिटेडले चालु आर्थिक वर्षको दोस्रो त्रैमाससम्मको अपरिष्कृत वित्तीय विवरण प्रकाशित गरेको छ। कम्पनी चालु आर्थिक वर्षको दोस्रो त्रैमाससम्म ७६ लाख १ हजार रुपैयाँ खुद नाफा कमाएको छ । यो गत वर्षको यसै अवधिको तुलनामा २५.८० प्रतिशतले कम हो ।
गत आर्थिक वर्षको पुससम्म कम्पनीले १ करोड २ लाख ४५ हजार रुपैयाँ नाफा कमाएको थियो । हाइड्रोपावरले पुससम्म ४ करोड ४३ लाख रुपैयाँ बराबरको विद्युत बिक्री गरेको छ ।
गत आर्थिक वर्षको दोस्रो त्रैमाससम्म कम्पनीले ४ करोड ७३ लाख रुपैयाँको विद्युत बिक्रीबाट आम्दानी गरेको थियो । यसको वित्तीय खर्च २ करोड १ लाखबाट घटेर १ करोड ९७ लाख रुपैयाँमा झरेको छ । हाल माई खोलाको चक्ता पुँजी ३९ करोड २१ लाख ५६ हजार रुपैयाँ रहेको छ ।
यस अवधिमा कम्पनीको रिटेन्ड अर्निङमा ७६ लाख ८५ हजार रुपैयाँ जम्मा रहेको छ । यस अवधिसम्म आइपुग्दा कम्पनीको प्रतिसेयर आम्दानी २ रुपैयाँ ८८ पैसा र प्रतिसेयर नेटवर्थ १०१ रुपैयाँ ९६ पैसा रहेको छ ।
वि.सं.२०८० माघ १९ शुक्रवार १०:५९ मा प्रकाशित
