काठमाडौं । कालंगा हाईड्रो लिमिटेडले सर्वसाधारणका लागि आईपीओ जारी गर्ने भएको छ । कम्पनीले ४९ करोड रुपैयाँबराबरको १०० रुपैंया अंकितदरका ४९ लाख कित्ता आईपीओ निष्कासन गर्ने भएको हो ।
कम्पनीले उक्त साधारण सेयरमध्ये ३४ करोड ९० लाख रुपैयाँबराबरको ३४ लाख ९० हजार कित्ता साधारण सेयरको प्रत्याभुतिकर्तामा ज्योति क्यापिटललाई नियुक्त गरेको छ । बिहिबार क्यापिटल र हाइड्रोपावर कम्पनीबीच सेयर प्रत्याभुति गर्ने सम्झौतामा हस्ताक्षर भएको हो ।
कालंगा हाईड्रोको रजिष्टर्ड कार्यालयमा आयोजित समारोहबीच ज्योति क्यापिटलका तर्फबाट प्रमुख कार्यकारी अधिकृत विकास ढकाल र कालंगा हाईड्रो लिमिटेडको तर्फबाट सञ्चालक तिर्थराज चटौतले सेयर प्रत्याभुति गर्ने सम्झौता पत्रमा हस्ताक्षर गरेका हुन् ।
ज्योतिविकास बैंकको सहायक कम्पनीको रुपमा रहेको ज्योति क्यापिटलको चुक्ता पुंजी २१ करोड रहेको छ । हरेक ग्राहकहरुको सम्पन्नताको सहयात्री बन्ने अभिलाषा बोकेको क्यापिटलले नेपाल धितोपत्र वोर्डमा मर्चेन्ट बैंकरको कार्य गर्न अनुमती प्राप्त गरी लगानी व्यवस्थापन सेवा, संस्थागत परामर्श, धितोपत्रको प्रत्याभूति सेवा प्रदान गरिरहेको छ ।
वि.सं.२०८० माघ १९ शुक्रवार १६:४६ मा प्रकाशित
