काठमाडौं । साताको चौथो कारोबार दिन सेयर बजारमा सामान्य बढोत्तरी आएको छ । उक्त दिन बजार ४.९२ अंकले बढेर २०९० को विन्दुमा कायम हुन पुगेको छ ।
उक्त दिन सबैभन्दा बढी हिमालयन रिइन्स्योरेन्स लिमिटेडको सेयर कारोबार भएको छ । आज कम्पनीको २४ करोड ८२ लाख ६८ हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको रिलायबल नेपाल लाइफ इन्स्योरेन्सको ६ करोड ६२ लाख ४७ हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन ङादी ग्रुप पावरको ६ करोड ५९ लाख ३४ हजार रुपैयाँ, हाथवे इन्भेष्टमेन्टको ६ करोड ११ लाख ९८ हजार रुपैयाँ र सोनापुर मिनरल्सको ५ करोड ८६ लाख ६५ हजार रुपैयाँको कारोबार भएको हो ।
वि.सं.२०८० माघ २४ बुधवार १५:१० मा प्रकाशित
