काठमाडौं । साताको अन्तिम कारोबार दिन सेयर बजारमा दोहोरो अंकले गिरावट आएको छ । उक्त दिन बजार १४.४६ अंकले घटेर २०६२ को विन्दुमा कायम हुन पुगेको छ ।
आज नेप्सेमा कारोबार भएको ३०५ कम्पनीको १ करोड १४ लाख ७ हजार २६४ कित्ता सेयर किनबेच हुँदा ३ अर्ब ८६ करोड ९१ लाख १८ हजारको कारोबार भएको छ । बजारमा गिरावट आउँदा १२ वटा उपसूचकमा राताम्मै भएको छ ।
उक्त दिन सबैभन्दा बढी हिमालयन रिइन्स्योरेन्स लिमिटेडको सेयर कारोबार भएको छ । आज कम्पनीको २२ करोड ८५ लाख ७६ हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको सगरमाथा जलविद्युत कम्पनीको ११ करोड ५९ लाख ६५ हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन सानिमा जोशी हाइड्रोपावरको १० करोड ७५ लाख ५८ हजार रुपैयाँ, एनआइसी एशिया बैंकको ८ करोड ७० लाख २३ हजार रुपैयाँ र हिमालय उर्जा विकास कम्पनीको ८ करोड ५७ लाख ५१ हजार रुपैयाँको कारोबार भएको हो ।
वि.सं.२०८० फागुन ३ बिहीवार १५:४५ मा प्रकाशित