काठमाडौं । नेपाल स्टक एक्सचेञ्ज (नेप्से)ले आइतबार दुई कम्पनीको मूल्य समायोजन गरेको छ ।
नेप्सेले एसियन लाइफ इन्स्योरेन्स कम्पनीको ७.७५ प्रतिशत बोनस सेयरपछि प्रतिकित्ता ६१६ रुपैंया ८० पैसा हुने गरी मूल्य समायोजन गरेको हो । नेप्सेले आइतबारको अन्तिम कारोबार ६६४ रुपैंया ६० पैसाका आधारमा मूल्य समायोजन गरेको छ ।
त्यसैगरी, हिमालयन रिइन्स्योरेन्सको ४ प्रतिशत बोनस सेयरपछि प्रतिइकाई ६२० रुपैंया २९ पैसा हुने गरी मूल्य समायोजन गरेको छ । आइतबारको अन्तिम कारोबार ६४५ रुपैंया १० पैसाको आधारमा मूलय समायोजन गरेको हो ।
यी दुवै कम्पनीको सोही मूल्यको आधारमा नै मंगलबार सेयरबजारमा कारोबार खुल्नेछ ।
वि.सं.२०८० फागुन ६ आइतवार १६:१३ मा प्रकाशित
