काठमाडौं । काठमाडौँको सितापाइलामा मृत भेटिएका ३ जनाको पहिचान खुलेको छ । मृत्यु हुनेमा ३९ वर्षीया ईश्वरी श्रेष्ठ, ८ वर्षीया छोरी अनिशा र २ वर्षीया छोरी शिवानी रहेका छन् ।
महिलाका श्रीमान् राजु घिमिरे (सुनार) भने नागार्जुनको जंगलमा झुण्डिएको अवस्थामा फेला परेको प्रहरीले बताएको छ । आमा र दुई छोरीको हत्या गरी श्रीमान्ले आत्महत्या गरेको प्रहरीको प्रारम्भिक आशंका गरेको छ ।
सोलुखुम्बु घर भई सितापाइलामा डेरा गरी बस्ने उनीहरू दैनिक ज्यालादारीमा गुजारा चलाउने परिवार रहेको बताइएको छ ।
वि.सं.२०८० फागुन ९ बुधवार १२:१७ मा प्रकाशित