काठमाडौं । आज फागुन १० गते बिहीबार सिद्धार्थ प्रिमियर इन्स्योरेन्स र स्वरोजगार लघुवित्तको लाभांश सुरक्षित गर्ने अन्तिम दिन रहेको छ । सिद्धार्थ प्रिमियर इन्स्योरेन्सले साधारण सभा प्रयोजनको लागि भोली फागुन ११ गते शुक्रबार बुक क्लोज गर्दैछ । स्वरोजगार लघुवित्तले सभा प्रयोजनका लागि फागुन १३ गते बुक क्लोज गर्दै छ । फागुन ११ र १२ गते शुक्रबार र शनिवार परेकाले सेयर कारोबार हुँदैन । यसर्थ यी दुई कम्पनीको लाभांश हात पार्न आजै सेयरधनी बन्नुपर्ने हुन्छ ।
सिद्धार्थ प्रिमियर इन्स्योरेन्सले गत वर्षको नाफाबाट ११ प्रतिशत नगद लाभांश वितरण गर्दैछ । सोही लाभांश पारित गर्न फागुन ३० गते वार्षिक साधारण सभा बोलाएको छ । सभा लिसारा रिसेप्सन, भगवती बाहाल काठमाडौंमा बिहान ११ बजे सुरु हुनेछ ।
त्यसैगरी, स्वरोजगार लघुवित्तले गत वर्षको नाफाबाट ७ प्रतिशत बोनस सेयर र कर सहित प्रयोजनको लागि ०.३६८ प्रतिशत नगद गरी जम्मा ७.३६८ प्रतिशत लाभांश वितरण गर्ने भएको छ । सोही लाभांश पारित गर्न कम्पनीले फागुन २६ गते नेपाल हाउस हात्तीसार, काठमाडौंमा बिहान ११ः३० बजे वार्षिक साधारण सभा बोलाएको छ ।
वि.सं.२०८० फागुन १० बिहीवार ०७:०४ मा प्रकाशित
