काठमाडौं । साताको दोस्रो कारोबार दिन सेयर बजारमा तेस्रोपटक सर्किट ब्रेक लागेपछि आजको लागि कारोबार बन्द भएको छ ।
बजार खुलेको ३ मिनेटमै नेप्से परिसूचक ४ प्रतिशतले बढेर २०३९.६० बिन्दुमा पुगेपछि २० मिनेटको लागि सर्किट ब्रेक लागेको थियो र २० मिनेटपछि बजार खुलेको १ मिनेटमै सेयर बजारमा दोस्रो सर्किट ब्रेक लागेको थियो ।
त्यसपछि ४० मिनेट बन्द भएर कारोबार खुलेको पुनः १ मिनेटमै अघिल्लो दिनको तुलनामा नेप्से परिसूचक ६ प्रतिशतले बढेर तेस्रो सर्किट ब्रेक लागेपछि आजका लागि कारोबार बन्द भएको हो।सोमबार सेयर बजारको परिसूचक नेप्से ११७.७० अंक बढेर २०७८.०० अंकमा कायम भएको छ।
उक्त दिन सबैभन्दा बढी सोनापुर मिनरल्सको सेयर कारोबार भएको छ । आज कम्पनीको ४ करोड ५० लाख ३३ हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको हिमालयन रिइन्स्योरेन्सको २ करोड ९९ लाख ७५ हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन शिभम् सिमेन्टको २ करोड ७६ लाख ५ हजार रुपैयाँ, मोलुङ हाइड्रोपावरको २ करोड २२ लाख १ हजार रुपैयाँ र ङादी ग्रुप पावरको १ करोड १ लाख ५ हजार रुपैयाँको कारोबार भएको हो ।
वि.सं.२०८० फागुन २१ सोमवार १३:०४ मा प्रकाशित
