काठमाडौं । साताको तेस्रो कारोबार दिन सेयर बजारमा चर्को गिरावट आएको छ । मंगलबार बजार ७०.३१ अंकले घटेर २००७ को विन्दुमा कायम हुन पुगेको छ ।
उक्त दिन सबैभन्दा बढी सोनापुर मिनरल्सको सेयर कारोबार भएको छ । आज कम्पनीको ४१ करोड ९१ लाख २२ हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको शिभम् सिमेन्टको २४ करोड ६५ लाख ४ हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन घोराही सिमेन्ट इन्डस्ट्रीको १४ करोड ३१ लाख ७० हजार रुपैयाँ, जोशी हाइड्रोपावरको १३ करोड १९ लाख ३० हजार रुपैयाँ र हिमालयन रिइन्स्योरेन्सको १२ करोड ८१ लाख ८४ हजार रुपैयाँको कारोबार भएको हो ।
वि.सं.२०८० फागुन २२ मंगलवार १५:१० मा प्रकाशित