काठमाडौं । सर्वोत्तम सिमेन्टको सेयर दोस्रो दिन पनि सकारात्मक सर्किट लाएको छ । नेप्सेमा कारोबार खुला भएकै दिन अर्थात मंगलबार १० प्रतिशतले बढेर सर्वोत्तम सिमेन्टको कारोबार बन्द भएको थियो । आज दोस्रो दिन अर्थात बुधबार पनि सेयर मूल्य ९.९९ प्रतिशतले बढेर ६७२.७० रुपैयाँ पुगेको छ ।
कम्पनीले चुक्ता पुँजीका आधारमा कायम ४ करोड ६५ लाख कित्ता सेयर सोमबार नेप्सेमा सूचीकृत गरेको थियो । सर्वोत्तमले बुक विल्डिङ विधिबाट सर्वसाधारणलाई प्रतिकित्ता ३६०.९० रुपैयाँको दरले आइपीओ बिक्री गरेको थियो ।
वि.सं.२०८० चैत ७ बुधवार ११:५३ मा प्रकाशित