काठमाडौं । अरुण भ्याली हाइड्रोपावर डेभलपमेन्ट कम्पनीको हकप्रद सेयरमा अन्तिम दिनसम्म १ अर्ब ३९ करोड १ लाख ७३ हजार ४०० रुपैयाँ बराबरको आवेदन परेको छ । सिडिएसका अनुसार कम्पनीको हकप्रद सेयरमा आज अर्थात चैत ७ गते साँझसम्ममा ३२ हजार ६७५ जना आवेदकले १ करोड ३९ लाख १ हजार ७३४ कित्ताका लागि आवेदन दिएका हुन् । उक्त हकप्रदमा ४७ लाख ७७ हजार कित्ता शेयर बिकेन ।
कम्पनीले १ः१ अनुपातमा १ करोड ८६ लाख ७९ हजार ६२६ कित्ता हकप्रद सेयर जारी गरेको थियो । जसअनुसार यस कम्पनीले १ सय अंकित मूल्यमा १ अर्ब ८६ करोड ७९ लाख ६२ हजार ६०० रुपैयाँ बराबरको हकप्रद सेयर बिक्री खुला गरेको हो । कम्पनीको सेयर निष्काशन तथा बिक्री प्रबन्धक मुक्तिनाथ क्यापिटल लिमिटेड रहेको छ।
वि.सं.२०८० चैत ७ बुधवार १८:२१ मा प्रकाशित