काठमाडौं । साताको पाँचौ कारोबार दिन नेपाली बजारमा सुनको भाउमा वृद्धि भएको छ । उक्त दिन सुन प्रतितोला १ हजार रुपैंयाले बढेको हो ।
नेपाल सुन–चाँदी व्यवसायी महासंघका अनुसार आज प्रतितोला १ लाख ३४ हजार रुपैयाँ कायम भएको छ भने तेजावी सुनको मूल्य प्रतितोला १ लाख ३३ हजार ३५० रुपैयाँमा कारोबार भइरहेको छ । यो मूल्य अहिलेसम्मकै उच्च हो ।
अघिल्लो दिन बुधबार छापावाल सुन प्रतितोला १ लाख ३३ हजार रुपैयाँमा कारोबार भएको थियो भने तेजावी सुनको मूल्य तोलाको १ लाख ३२ हजार ३५० रुपैयाँमा कारोबार भएको थियो।
आज चाँदीको मूल्य ४० रुपैंयाले बढेर प्रतितोला १ हजार १६५० रुपैयाँ कायम भएको छ ।
वि.सं.२०८० चैत २२ बिहीवार १०:४१ मा प्रकाशित
