काठमाडौं । नेकपा एमाले पर्यटन इलाका कमिटीको छैठौं अधिवेशन आइतबार हुने भएको छ । नेकपा एमाले केन्द्रीय कमिटीका सचिव समेत रहेका पूर्व संस्कृति, पर्यटन तथा नागरिक उड्डयन मन्त्री योगेश भट्टराईले प्रमुख अतिथिको रुपमा अधिवेशनको उद्घाटन गर्ने नेकपा एमाले पर्यटन इलाकाका अध्यक्ष जीवन थापामगरले जानकारी दिनुभयो ।
कार्यक्रम मिति २०८० चैत २५ गते आइतबार दिनको एक बजे ठमेलस्थित होटेल ठमेल पार्कमा आयोजना गरिएको छ । अधिवेशनले नयाँ नेतृत्व समेत चयन गर्ने भएकोले नेकपा एमालेमा आबद्ध पर्यटन व्यवसायीहरुले महत्वका साथ लिएका छन् । पर्यटन इलाका नेकपा एमालेको उद्योगी व्यवसायी विशेष जिल्ला कमिटी अन्तरगतको कमिटी हो ।
अधिवेशनमा १४८ जना प्रतिनिधि रहनेछन् । जसमा इलाका अन्तरगतका ट्रेकिङ शाखाबाट ५२, ट्राभव शाखाबाट ४३, होटेल शाखाबाट ३२ र आयोजक २१ जनाको रहनेगरी प्रतिनिधिको अन्तिम टुङ्गो लगाइएको अध्यक्ष थापा मगरले जानकारी दिनुभयो । पर्यटन इलाकामा २५७ जना पार्टी संगठित सदस्य रहेका छन् । आयोजक बाहेक तीन वटा शाखाबाट ५१ प्रतिशत पार्टी सदस्य अधिवेशनमा प्रतिनिधिको रुपमा छनोट गरिएको आयोजकले जनाएको छ ।
वि.सं.२०८० चैत २४ शनिवार १३:३१ मा प्रकाशित