काठमाडौं । प्रभु बैंकले वार्षिक साधारण सभा बोलाएको छ । साधारण सभा बैंकको केन्द्रीय कार्यालय बबरमहल, काठमाडौंमा २०८१ वैशाख २० गते बिहान १० बजे बोलाएको हो । बैंकले गत आर्थिक वर्ष २०७९/८० को नाफाबाट लाभांश वितरण नगर्ने जनाएको छ ।
सभाले गत आर्थिक वर्षको वार्षिक प्रतिवेदन, नाफा–नोक्सान हिसाब, नगद प्रवाहलगायत विवरणमा छलफल गरी पारित गर्नेछ । सभाले चालु आर्थिक वर्षका लागि लेखापरीक्षकको नियुक्ती गर्ने प्रस्ताव पनि पारित गर्नेछ ।
साधारण सभा प्रयोजनका लागि २०८१ वैशाख ४ गते बुक क्लोज गर्ने भएको छ । यसर्थ, वैशाख ३ गतेसम्म कायम रहने सेयरधनीले मात्र सभामा भाग लिन सक्नेछन् ।
वि.सं.२०८० चैत २७ मंगलवार १४:१९ मा प्रकाशित