काठमाडौं । साताको दोस्रो कारोबार दिन सुनको भाउमा भारी गिरावट आएको छ । उक्त दिन सुन प्रतितोला २७ सय रुपैंयाले घटेको हो ।
नेपाल सुन–चाँदी व्यवसायी महासंघका अनुसार आज प्रतितोला १ लाख ३५ हजार ५०० रुपैयाँ कायम भएको छ भने तेजावी सुनको मूल्य प्रतितोला १ लाख ३४ हजार ८५० रुपैयाँमा कारोबार भइरहेको छ ।
अघिल्लो दिन सोमबार छापावाल सुन प्रतितोला १ लाख ३८ हजार २०० रुपैयाँमा कारोबार भएको थियो भने तेजावी सुनको मूल्य तोलाको १ लाख ३७ हजार ५५० रुपैयाँमा कारोबार भएको थियो। आज चाँदीको मूल्य ४५ रुपैयाँले घटेर १ हजार ६६० रुपैयाँमा कारोबार भइरहेको छ ।
वि.सं.२०८१ वैशाख ११ मंगलवार ११:२५ मा प्रकाशित