काठमाडौं । आज वैशाख १८ गते मंगलबार सीइडीबी हाइड्रोपावरको लाभांश सुरक्षित गर्ने अन्तिम दिन रहेको छ । साधारण सभा प्रयोजनका लागि कम्पनीले वैशाख १९ गते बुक क्लोज गर्ने भएको छ । यसर्थ, कम्पनीले वितरण गर्ने लाभांश हात पार्न आजै सेयरधनी बनिसक्नुपर्नेछ ।
कम्पनीले गत आर्थिक वर्षको नाफबाट ११ प्रतिशत बोनस सेयर र ०.५७८९ प्रतिशत नगद लाभांश (कर सहित) वितरण गर्ने भएको छ । सोही लाभांश पारित गर्न कम्पनीको साधारण सभा वैशाख ३१ गते बस्दैछ । सभा नेवा ब्याम्बो कटेज, हरिसिद्धि, ललितपुरमा बिहान ८ बजे सुरु हुनेछ ।
वि.सं.२०८१ वैशाख १८ मंगलवार १०:२७ मा प्रकाशित
