काठमाडौं । रिडी पावर कम्पनीले लिलामीमा बिक्री गरेको सेयर बाँडफाँड भएको छ । कम्पनीले हकप्रद सेयर निष्कासन गर्दा बिक्री नभएको सर्वसाधारण समूहको ११ लाख ३५ हजार ६५७ कित्ता सेयर लिलामीमार्फत बिक्रीमा ल्याएको थियो । सोही लिलामी सेयर वैशाख १७ गते सोमबार बाँडफाँड गरिएको हो ।
जसमा न्यूनतम १४८ रुपैयाँ १० पैसा (कट आफ प्राइस) कबोल गरेर बोलपत्र पेश गर्ने आवेदकले सेयर पाएका छन् । यसअघि कम्पनीले गत फागुन १८ देखि चैत ८ गतेसम्म ५० प्रतिशत हकप्रद बिक्री खुला गरेको थियो । सो अवधिमा कम्पनीले बिक्री नभएको बाँकी सेयर कम्पनीले लिलामीमा ल्याएको हो ।
त्यसैगरी, कम्पनीले लिलामी सेयर भर्दा बाँडफाँडमा नपरेको रकम वैशाख २० गतेबाट फिर्ता दिन सुरु गर्ने जनाएको छ ।
वि.सं.२०८१ वैशाख १८ मंगलवार ११:४७ मा प्रकाशित
