काठमाडौं । बागमती प्रदेश सरकारले भोलि वैशाख २४ गते सार्वजनिक बिदा दिने निर्णय गरेको छ ।
बागमति प्रदेश सरकार, मन्त्रिपरिषदको २०८१ बैशाख १२ गते बैठकले नेपाली भाषाको अतिरिक्त तामाङ भाषा र नेपाल भाषालाई बागमति प्रदेश सरकारी कामकाजको भाषाको रुपमा लागु हुने दिनको अवसरमा मिती २०८१ बैशाख २४ गते सोमबार विदा दिने निर्णय गरेको हो ।
प्रधानमन्त्री पुष्पकमल दाहालले वैशाख २४ गते काठमाडौंको वसन्तपुरमा एक कार्यक्रमको आयोजनाबीच प्रदेशभर कामकाजी भाषाको रूपमा तामाङ र नेपाल भाषाको शुभारम्भ गर्नेछन् ।
बागमती प्रदेशमा भोलि सार्वजनिक बिदा हुने भएपनि सेयर बजार भने खुला रहने छ । ‘प्रदेश सरकारले भोलि सार्वजनिक बिदा दिएता पनि केन्द्रीय सरकारले भने सार्वजनिक बिदा नदिएकाले नेप्से खुल्ला नै रहने नेप्सेले बताएको छ ।
वि.सं.२०८१ वैशाख २३ आइतवार १६:३६ मा प्रकाशित
