काठमाडौं । साताको चौथो कारोबार दिन सेयर बजारमा दोहोरो अंकको वृद्धि भएको छ । बुधबार बजार १५.५४ अंकले बढेर २१३१ को विन्दुमा कायम हुन पुगेको छ ।
आज नेप्सेमा कारोबार भएको आज ३१८ कम्पनीको १ करोड ४४ लाख १९ हजार ५२१ कित्ता शेयर किनबेच हुँदा ५ अर्ब ६८ करोड ७६ लाख ८० हजार रुपैयाँको कारोबार भएको छ । आज बजारमा ४ वटा उपसूचक मात्र हरियाली भएको छ ।
उक्त दिन सबैभन्दा बढी नेरुडे मिर्मिरे लघुवित्तको सर्वाधिक सेयर कारोबार भएको छ । आज कम्पनीको २४ करोड ४२ लाख ८० हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको पोखरा फाइनान्सको २१ करोड १२ लाख ९९ हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन सिइडिबी हाइड्रोपावरको १७ करोड ५३ लाख ३९ हजार रुपैयाँ, फस्र्ट माइक्रोफाइनान्स लघुवित्तको १७ करोड ५३ लाख ३६ हजार रुपैयाँ र नबील बैंकको १५ करोड ५० लाख ७२ हजार रुपैयाँको कारोबार भएको हो ।
वि.सं.२०८१ जेठ ९ बुधवार १५:१२ मा प्रकाशित
