काठमाडौं । सिद्धार्थ क्यापिटलले वार्षिक साधारणसभाका लागि मिति तय गरेको छ । कम्पनीले असोज १८ गते १०औँ वार्षिक साधारणसभा गर्ने भएको हो ।
भदौ १७ गते बिहीवार बसेको कम्पनीको संचालक समितिको १४५औं बैठकले उक्त दिन सभा गर्ने निर्णय गरेको थियो ।
कम्पनीको आर्थिक वर्ष २०७७/७८ को संचित मुनाफाबाट सेयरधनीहरुलाई हाल कायम चुक्तापुँजीको ४० प्रतिशत करसहित नगद लाभांश प्रदान गर्न संचालक समितिले गरेको प्रस्ताव पारित गर्नेछ ।
सभाले आर्थिक वर्ष २०७७/७८ मा कम्पनीको संस्थागत सामाजिक उत्तरदायित्व अन्तर्गत खर्च गरिएको दान रकम २ लाख रुपैयाँ पारित गर्ने विशेष प्रस्ताव रहेको छ ।
साथै संचालक समितिको तर्फबाट आव २०७७/७८ को वार्षिक प्रतिवेदन उपर छलफल लगायतका अन्य प्रस्तावहरु पारित गर्नेछ ।
वि.सं.२०७८ भदौ २८ सोमवार ११:१८ मा प्रकाशित
